makilicious: 開心大發現!

makilicious: 開心大發現!: "無無聊聊做咩好? 無錯! 我又走左去759! 嘿嘿...因為實在係有太多新奇有趣野啦, 係要定期擴闊下視野先得! 今日又有咩發現呢? 登登登..... 係自己用零食整屋仔呀! 好得意呀!! 我都要整返間!!"

美食食譜-焗烤海鮮飯

尋日睇左YOUTUBE 搵到個好好既老師，大家不防試下＝〕

我就成功左LA，希望你地都可以同屋企人一齊開開心心煮一餐！

SABU SABU

小火鍋

放工忽然想起sabusabu,剛好想起附近有間759零食屋剛開張,抱住興奮心情向零食屋出發!果然在這間零食屋裹給我找到日式火鍋料理,日本產品包裝 果然吸引,店員走近向我逐一介紹,還推薦我豆乳鍋湯底價錢抵味道濃郁,岩哂我呢位鐘意重口味的天使=]跟住到揀醬油,買了這3支醬油分別用來配牛肉,豬肉 和百搭鼓油。

家裹人少就弄了一個小火鍋，魚蝦、豆腐、魚肉圓、菇菌類各放一點，這就是一品鍋了，加上豆乳湯底把食材煮熟就能享用了。

 

用江魚仔和白菜來熬豆乳湯，清甜可口 。

終於到享受時間,再見

雞肉沙律

昨晚和anki逛街他跟我翻譯了一些日本的調味品，返到屋企，發現媽咪又去左７５９阿信屋入貨，一次過買左幾支沙律油同醬，呵呵。。。我看中了這個日本丘比沙律醬很濃郁的味，嘻嘻！一個朝早食個沙律果然係夠哂健康！

蒜子茄醬肉丸長通粉

蒜子茄醬肉丸長通粉，個名已經道出食譜所需材料。

天熱，食蕃茄甜甜酸酸好開胃，唔想食飯，咁就食粉。

凈睇，係咪都好有食欲咧。。。。

做法跟我嚟。

「肉丸調味」

整肉丸嘅調味，我用佐「喼汁、生抽、糖、粟粉、米酒、雜香草、芫莤籽粉、水」

將免治豬肉，同面包糠倒入調味水入邊，攪至起膠即成肉丸。

「自製面包糠」

另外提一提，面包糠其實唔一定要出街買，自己係屋企就完全可以自製得到。

食凈嘅切邊方包，食唔哂又唔想再食，掉佐好嘥，依個時候，可以將佢入保鮮袋，擺入冰格，冰佢二三個鐘至硬身。

然後捏碎，即成最新鮮嘅面包糠，可以愛嚟炸豬扒炸乜都得啦。

比街買一包包嘅面包糠炸出嚟嘅效果總要好。

面包糠加入到肉丸，可以增加肉丸嘅彈性同口感嘅飽滿，原因係因為面包本身有好多嘅氣泡產生佢獨有嘅彈性，而且遇水之後會變得有粘性，可以令到肉丸煎好後無咁易散之餘，口感好好多。。。

「煎肉丸」

調好味嘅免治豬肉，用手整成一舊舊，擺入平底鑊，少少油，煎熟。

肉丸唔一定要係圓嘅，少少扁身都無問題，圓形要用好多油去炸，咁扁身嘅肉丸，就咁少少油煎都可以煎得出果種炸嘅效果。

「蕃茄醬」

個醬汁我就用佐好多材料去配搭。

有「甘筍粒粒、青椒粒粒、煙肉粒粒、茄膏一碗仔、蒜頭切薄片、牛油一舊」

1、煎完肉丸嘅油倒走，原鑊倒入一細細舊仔牛油。

2、然後爆香蒜片變金黃，倒入煙肉炒出香味，然後加埋甘筍同青椒粒同炒至熟。

3、倒入茄膏翻炒出味，然後加喼汁，加茄汁，砂糖，加水略煮出味。

4、落少少地中海鹽加強個酸味。（若無地中海鹽，可用新鮮九層塔加入海鹽度醃一醃，咁就變成類似地中海鹽嘅味道）

5、煮好茄醬之後，倒入肉丸翻炒入味。

6、最後，加一大扎芝士等醬香啲。

最後一部份，最簡單，將煮好嘅肉醬，同煮好嘅長通粉或任何通粉，撈埋一起炒至入味即可。。。。

下次將通粉轉成意粉，都一樣咁好味㗎。。。。

你試下，比好多餐廳嘅味道都要正㗎。。。。。

簡單就是美-壽司

自細我就比同伴更有口福，小朋友嚟我屋企玩，必定會有超過二款以上嘅點心招呼，實在係因為我有一個好得閒又好鐘意玩轉個廚房嘅阿媽。

直至依家，同啲老友聚會，佢哋都總會同我講起當年係我屋企食過嘅某幾款小點心，精緻嘅造型獨特嘅風味，都令我嘅同學仔印象深刻，大家都羨慕我有一個好叻整食嘅阿媽，不過可能係幸福太接近嘅時候，我反而無乜感覺，對阿媽嘅美食，經常地係視若無睹，實在過份。

諗諗下，可能我咁鐘意煮食，好大因素都係受阿媽影響。

以往一到熱天，個個無乜胃口嘅時候，阿媽就會玩好多唔同嘅食物，自己係屋企拉腸啦，整各式涼拌啦，湯粉面啦，包括壽司，都係熱天最經常食嘅食物。

我都未試過整壽司俾強哥食，以往都係同強哥拍住拖出街食氣氛，依排咁熱嘅天氣，都想係屋企整啲簡單嘅壽司嚟食，所以打佐電話問阿媽做法，尋日晏晝憑感覺，又試整佐次俾強哥試下。

睇下，我第一次整，都唔錯呱。。。。

我做到，你都一定可以做得到~~~

做法，跟我嚟~~~

先講下醋。

當然出邊有一樽樽嘅壽司醋賣，但係如果整得果一次兩次就要買樽嘢擺係屋企，好唔符合經濟效益嘅考量，所以，壽司醋，自己整。

買一支「同珍」白醋（其它白醋都可以，我貪依個白醋味道無咁坑），佳寶可以買到，倒細半碗仔出嚟，然後浸幾塊昆布入去，如果無昆布，可用一般市場買得到嘅海帶代替，浸一晚，等醋有佐昆布嘅味道，香好多㗎，然後加一湯匙嘅冰糖入去，較個甜味。如果有時間，可以提早整定依個甜醋，醃多幾日味道會香好多~~

糖同醋嘅比例，可以按個人口味去調配，譬如你鐘意酸啲，就落少啲糖，鐘意甜啲，就落多啲糖，一邊調一邊要自己試味，我自己慣佐嘅味道，係三湯匙嘅醋加一湯匙嘅糖，依個係我自己嘅口味。

再講下米。

我無特別去買日本米，就用屋企食開嘅金鳳，我覺得軟硬度都好好，煮嘅時候加多少少糯米入去同煮，增加個粘嘅口感，就用平時煮飯嘅水量去煮個飯，唔知係咪我個煲係日本飯煲嘅關係咧，佢本身設佐水同米嘅比例煮出嚟嘅飯唔會太濕都唔會太乾，愛嚟整壽司，幾好㗎。

煮好嘅飯，趁熱將上個步驟嘅醋倒入去，無一次倒哂啲醋，逐少逐少去加，一邊加一邊試味，撈好嘅醋飯，攤凍佢。（所以我搵一個較大面積嘅兜去裝飯）

跟住講下紫菜。

我會剪開一截仔,因為我晨個包壽司嘅竹簾比較細,同埋我唔想太大塊嘅紫菜,整到太大個嘅壽司,咁樣細一截嘅紫菜,整出嚟嘅壽司都可以細啲,飯少啲,唔會食得太飽肚...

裁出嚟嘅果截細嘅紫菜,都有其它用途,一啲都唔會嘥㗎....

最後講下餡.

其實基本上係自己鐘意食咩就落咩.阿媽通常一定會有嘅係「青瓜、甘筍、蛋絲」，再搭配其它嘅肉類。

不過阿媽話，鰻魚就唔好配青瓜，會有腥味，青瓜可以配腸仔或者其它肉類，鰻魚就配甘筍同蛋。

我無買到鰻魚，咁就用佐屋企有嘅料，腸仔啊，青瓜甘筍蛋，芒果、咸牛肉、午餐肉等等。。。。

準備好啲料，就可以包啦。。。。

我準備多碗水，整嘅時候濕濕手，無咁易痴米。

自己屋企人食，我就唔帶手套啦。

我個竹簾係買嘅一個托盤上邊配住嘅，所以係會細啲，整出嚟嘅壽司，都會細啲㗎。。。。

就咁樣，舖一塊紫菜係竹簾上，然後舖一層醋米，最後係近自己嘅果邊，擺上鐘意嘅餡料。。。。

我下次都唔要咸牛肉啦，個味完全唔搭。。。。阿媽平時會擺啲肉鬆加埋沙律醬，青瓜同腸仔等等做餡，我見無肉鬆，諗住用咸牛肉代替，可能都好惹味，點知味道完全唔對路。。。。。好彩得一條有咸牛肉，大家都係咪試啦，係一個好錯誤嘅示範。

好啦，舖好餡之後，就可以卷卷卷過去，卷好之後，再用手握實個飯卷。

整佐三卷。。。。

最後搵把刀，利啲嘅刀，切開一舊舊就搞掂。。。。

刀上我會濕少少水，咁切嘅時候就唔會因為痴住米而切得唔靚。

整好一卷卷嘅時候，強哥收工返嚟啦，咁就可以整其它造型嘅飯團，即整即食最美味嘛。。。

叫強哥幫我手影相。

手濕少少水，取一舊飯，用手心位置，陰力去將飯團整實成一舊。

（自己人食，媽媽就無戴膠手套啦，帶住手套做嘢無咁方便，並請大家自動忽略我媽媽的肥手）

然後將一開始裁出嚟嘅果細半截紫菜，圍一圈係飯團邊邊，個紫菜嘅高度係高過飯團少少嘅。

睇下，咁樣整好幾個飯團之後，上邊嘅位置，鐘意擺乜就擺乜。

材料凈返好多，求其用啲腸仔、芒果、蟹柳、青瓜、甘筍剪碎粒，加埋沙律醬，撈勻，舖係飯團之上，就做成沙律壽司拉。。。。

熱天食真係幾好味㗎。。。。。

好清爽嘅感覺。。。。又易整喎，又無嘥料喎，一舉多得咧。。。。

飯團另一做法，我煎佐幾塊午餐肉，然後用一條紫菜綑住午餐肉同飯團，好中式，但好好味。。。。。

壽司之嘛，點都得啦。。。。

整壽司真係好簡單嘅一件事，煩係煩在事後嘅清理現場~~~

睇下，我第一次整壽司，都幾似樣嘛。。。。。

強哥望住兩大碟嘅壽司，鬼咁開心「晏晝都食咁好啊」~~~~~

其實，成本好低咋。。。。。

都呃得下人嘅。。。。

唔記得提，我提早二個鐘醃佐啲酸青瓜。

青瓜切到極薄片，然後倒壽司醋入去浸住佢，擺入雪櫃二個幾鐘，咦，都好入味喎，酸咪咪，又清香，凍冰冰，正啊。。。。

雖然無酸薑，不過有酸瓜，齊哂啦。。。。。

自己係屋企整嘅壽司，雖然都係好平價嘅材料，但味道一啲都唔會差㗎。。。。

我煲佐好多飯，凈係用佐一部份落佐醋，食凈果啲係無醋嘅，加埋所有食凈嘅配料切粒粒，夜晚就用佢哋，炒佐個飯，所有嘅材料，一啲啲都無浪費到，係咪乾手凈腳，舒服哂咧。。。。。。

炒公仔面

材料:

公仔面1-2塊，叉燒/豬肉100公克，洋蔥20公克，青椒20公克，豆芽20公克，雞蛋1个，熟芝麻少量，熱水100㏄，食油30㏄，咖哩粉1/2小匙，鹽1/2小匙，白砂糖1/4小匙

做法:

1.洋葱洗净、去皮、切絲。青椒洗净、去蒂、切絲。叉燒切幼件。將公仔面放入滚水中煮熟，撈出去掉水份。


2.將雞蛋打散，倒入熱油鍋中煎成蛋皮，盛出切絲。


3.鍋中倒入食油燒熱，放入咖哩粉、洋葱小火略炒，至有香味散出時加入面以外的其余材料再炒约1分鐘。


4.将鹽、白砂糖和公仔面放入鍋中，續炒至湯汁收掉后加入、蛋絲，最后撒上熟芝麻即可。

肉醬意粉

Party食譜之 － 肉醬意粉(附食譜)


呢款意粉快靚正，事關係用懶人肉醬，呵呵呵，真係方
便易用呢~ 而今次我終於發現點樣可以令到意粉口感更
香滑，過下冰河就可以令到碟意粉香滑到好似出街食咁
正呢~ ，但覺得好似好肥咁，~估唔到一樣可以做
咁香滑效果呢 ~

    

主要材料:
意粉一包、洋蔥半個、日本意粉醬
一罐(759零食屋有售)、Mc Cormick It's A Dilly香草



做法:


燒滾一鍋水，加入鹽及少許油，放入意粉，大火煮兩分
鐘，熄火焗三分鐘，倒出，隔去水份，過冷河，最後加熄火焗三分鐘，倒出，隔去水份，過冷河，最後加入牛油撈勻待用

大火起鑊落油，爆香配料，然後加入
適量水份(水份要浸到意粉大半，但唔可以蓋過意粉)，水份(水份要浸到意粉大半，但唔可以蓋過意粉)，汁料滾後加入意粉，然後用筷子將意粉由底抽起，要令
肉醬撈勻意粉，蓋上鑊蓋片刻，待汁料轉杰身即可上碟